Enpak Ranfòsman Kapasite
Gras ak pwogram nou yo ak sipò nou, òganizasyon yo ranfòse kapasite yo nan:
Idantifye bezwen ak avantaj kominote yo.
Kreye epi aplike pwojè ki itilize avantaj sa yo pou satisfè bezwen kominote a.
Mobilize patisipasyon epi kreye bon lyen avèk otorite lokal yo ak moun ki gen enterè nan kominote a.
Konnen ki resous ki enpòtan pou soutni òganizasyon yo ak fason pou yo jwenn yo.
Bati yon ekip solid epi devlope sistèm ki nesesè yo pou transfome lide yo an aksyon.
Planifye ak fè bon jan bidjè, epi aplike sistèm jesyon finansyè ki solid.
Kreye siveyans ak sistèm evalyasyon pou konnen si pwogram yo ap bay rezilta nou t ap tan yo.
Pou evalye rezilta pwogram kapasite nou yo, nou devlope yon zouti detaye pou evalye bezwen ak avantaj pou òganizasyon an ak kominote li ap sèvi a sou plizyè dimansyon. Evalyasyon konplè sa a ap gade lidè yo (Endividyèl), òganizasyon an (Enstitisyonèl), ak kominote a (Sistèmik), paske HDI kwè ke rezilta travay nou yo ta dwe vizib sou twa (3) nivo sa yo.
Done yo bay enfòmasyon klè ke nou itilize pou mezire pwogrè nan ranfòsman kapasite sou chak grenn nan twa nivo yo. Nou evalye patisipan yo ankò nan pwogram ranfòsman kapasite nou sou tout endikatè ki enpòtan, ni nan fen angajman an epi kèk lane aprè. Sa se endikatè ki pi enpòtan pou gade si amelyorasyon nan kapasite yo dirab epi tradwi yo an amelyorasyon nan byennèt kominote a.