PLAN REPONS HDI SOU TRANBLEMAN TÈ A

FÒMIL POU REPONS LA

Asistans entènasyonal la nan redrèsman  ak rekonstriksyon apre yon tranbleman tè enpòtan anpil. Men, li dwe bay nan yon mannyè ki konsidere fason moun kap resevwa l la ap viv, pandan yap  respekte diyite yo. Nenpòt repons kap bay ap bezwen konsidere wòl dirijan lokal yo ak òganizasyon yo  ki se premye sekouris  nan kominote yo, ak sèl aktè ki te toujou la nan bon kòm nan move moman pou bay asistans yo. Aktè sa yo pa ta dwe mete  sou kote, oubyen pou yo ta  bliye yo, sa ka  detwi tout sa yo reyalize   oubyen fè yo pèdi konfyans yo te genyen nan kominote yo gras ak travay difisil yo te reyalize. Tout asistans kap bay aprè yon  katastwòf pou redrèsman sitiyasyon an dwe chita sou prensip ki bay yon atansyon espesyal ak jistis epi enklizyon. Asistans sa a dwe gen ladanl tou sipò pou ranfòse kapasite enstitisyo yo  ak òganizasyo yo.

APWÒCH  NOU

Repons HDI aprè yon dezas chita  sou prensip ki site pi w yo, pou angaje pwosesis redresman ak rekonstriksyon an. Anplis , HDI se yon bayè, yon òganizatè ak yon aktè enpòtan nan devlòpman kapasite òganizasyon lokal ayisyen yo. Nou  sipòte viktim tranbleman tè a sou baz poto mitan sa yo:

SIBVANSYON

Sekou – Anviwon 20% nan lajan ki  te ranmase nan premye moman yo distribye bay patnè ki  kredib nan kominote ki frape yo, pou ede chak grenn manm nan chak kominote yo fè fas ak katastròf la nan ba yo espwa ak diyite. Viktim tranbleman tè a ap bezwen yon  asistans imedyat pou satisfè bezwen debaz yo tankou abri pwovizwa, manje, dlo trete, swen medikal ak pwodwi ijyèn, ansanm ak yon sibvansyon pou voye timoun yo lekòl pandan peryòd nouvèl ane akademik la.

Rekonstriksyon - 50% nan  lajan  an distribye  bay òganizasyon nan zòn ki sinistre yo pou fasilite redrèsman ak rekonstriksyon kominote a. Se yon mwayen kap ede fanmi yo rekonstwi  kay yo epi pèmèt kominote yo rebati enfrastrikti ki domaje yo, tankou lekòl, klinik, pon ak espas kominotè yo. Anplis, kominote ki chita sou  travay  agrikòl  yo benefisye yon  asistans ki pèmèt yo jwenn  mwayen  pou travay tè a epi fè yo jwenn resous pou yo kontinye viv. Tout enfrastrikti agrikòl sa yo, souvan se travay asosyasyon ak òganizasyon kominotè ki ap kolabore ak nou deja. Gwoup sa yo se kolòn vètebral rekonstriksyon an. Sibvansyon yo konpetitif, epi yo soumèt daprè   pwosedi regilye nou yo ki anndan  kad evalyatif  sa a: RFP, analiz, remak, rapidite ak rezon, bay  asistans la, siveyans, evalyasyon ak rapò. Nou travay nan tèt kole ak tout benefisyè yo, pou  asire n ke pwojè yo aplike jan sa prevwa. Travay se a dwe fèt nan transparans ak manm nan kominote a.

Ranfòsman  kapasite

Avèk plis resous epi gwo responsablite pou rekonstriksyon an, bezwen òganizasyon lokal yo nan  sipò ak akonpayman pou ranfòse kapasite yo vin yon gwo nesesite. Mete sou fòmasyon ak antrenè ekip nou an bay nan jesyon pwojè ak finans, planifikasyon kominotè ak lòt toujou, nou  ofri  yo fòmasyon / seminè sou sante mantal epi jesyon risk ak dezas pou pèmèt lidè lokal yo ede kominote yo retabli lespri moun yo aprè dega yo,  epi prepare yo pou yo sipòte pi fasil pwochen dezas natirèl ki ka toujou rive. Devlòpman biznis se yon lòt priyorite.